යුද හමුදා සාමාජිකයන්ගේ සහභාගිත්වයෙන් වගා සංග‍්‍රාමයක් ආරම්භ කිරීමට යුද හමුදා මූලස්ථානය සූදානම් වෙයි. යුද හමුදාපති ලූතිනන් ජෙනරාල් ජගත් ජයසූරිය මහතා සඳහන් කළේ මඩකලපුව වාකරේ කන්දල්කාඩු ප‍්‍රදේශයේ හෙක්ටයාර් 5000ක කෙසෙල් වගා කිරීමට නියමිත බවයි. හෙක්ටයාර් 900ක වගා කෙරෙන කෙසෙල් මිලදී ගැනීමට පෞද්ගලික සමාගමක් ඉදිරිපත් වී සිටිති. ඒ සඳහා වූ ගිවිසුම්ද අත්සන් කර ඇත. එම පෞද්ගලික සමාගම අයත් වන්නේ මුත්තයියා මුරලිදරන්ට සහ ප‍්‍රමෝද්‍ය වික‍්‍රමසිංහට බව යුද හමුදාපතිවරයා අනාවරණ කළේය. වසර 10ක් පුරා අස්වැන්න මිලදී ගැනීමට එම සමාගම සූදානම් බව පැවසේ. නිෂ්පාදනය කරන කෙසෙල් විදේශීය රටවලට අපනයනය කරනු ඇති. යුද හමුදා සාමාජිකයන් සහ පුනරුත්ථාපනය ලබන එල්.ටී.ටී.ඊ. සාමාජිකයන් යොදා ගනිමින් මෙම වගා සංග‍්‍රාමය ආරම්භ කරන බව යුද හමුදාපතිවරයා කියා සිටියි.
www.lankacnews.com
24.10.10
No comments:
Post a Comment